ملاك العراق
01-26-2009, 01:32 PM
لجل عين الوطن....
لجل عين الوطن وعيون هاي الناس...
كتلك صفي نيتك حتى نتشارك....
اجيتك شايل بجفي غصن زيتون...
ليش انت مصر وياي تتعارك...
عوف الطائفية ومنهج المحتل...
كافي تبيع اخوك وتهدم اديارك...
مو انت الجنت مظرب مثل بالجود...
حاتم بالضيافة وشايعه اخبارك...
حولته مضيفك غرفة للتعذيب...
وصفه جمر الدلال اغموس خطارك...
جان اليعتنيك اتكصله احلى ثياب...
هسة اليعتنيك ايزرفه منشارك...
قلعت عيون اخوك ولله لو ناخيه...
جان بيده شلعهة وجابهة لدارك...
شجاك اتغيرت مابين ليله ويوم...
عساها بخت كلمن سمم افكارك...
اريد انه اسالك جاوبني بله ارجوك...
جارك ليش يمك نزل واختارك...؟؟
لان عنك سال كالوله طيب ذات...
اشون اطاك كلبك شيلت جارك...
من حمل غراضه عيونك انت تشوف؟؟؟
وتباوع ازغاره تودع ازغارك...
دمع مرته وبناته الغرك الوجنات...
يظل طول الحياه ايعيرك بعارك...
حسبالك اتامن من شعلت النار ...
هم ترجع عليك وتاكلك نارك...
باجر تنكره...
والمنك يعاديك...
واول ما يبيس بيك مكوارك....
لجل عين الوطن وعيون هاي الناس...
كتلك صفي نيتك حتى نتشارك....
اجيتك شايل بجفي غصن زيتون...
ليش انت مصر وياي تتعارك...
عوف الطائفية ومنهج المحتل...
كافي تبيع اخوك وتهدم اديارك...
مو انت الجنت مظرب مثل بالجود...
حاتم بالضيافة وشايعه اخبارك...
حولته مضيفك غرفة للتعذيب...
وصفه جمر الدلال اغموس خطارك...
جان اليعتنيك اتكصله احلى ثياب...
هسة اليعتنيك ايزرفه منشارك...
قلعت عيون اخوك ولله لو ناخيه...
جان بيده شلعهة وجابهة لدارك...
شجاك اتغيرت مابين ليله ويوم...
عساها بخت كلمن سمم افكارك...
اريد انه اسالك جاوبني بله ارجوك...
جارك ليش يمك نزل واختارك...؟؟
لان عنك سال كالوله طيب ذات...
اشون اطاك كلبك شيلت جارك...
من حمل غراضه عيونك انت تشوف؟؟؟
وتباوع ازغاره تودع ازغارك...
دمع مرته وبناته الغرك الوجنات...
يظل طول الحياه ايعيرك بعارك...
حسبالك اتامن من شعلت النار ...
هم ترجع عليك وتاكلك نارك...
باجر تنكره...
والمنك يعاديك...
واول ما يبيس بيك مكوارك....