اخذت العراق ويايه بجنطه

[عمر المختار]

ماخذ وياي العراق بجنـــــطه

ما كفته الجنــــطه

طالعه منها مناره وعثك نخلـــه

وشعله من عيون نفطه





وراح نوصل… ذاك حدالسيطرات

وذيج ضوايات المحطه

وين اضمها.

لا هوه اكتاب ويخليه المسافر جوّه أبطـــه

الحمدلله.. الدنيا ليل… ونقطةالتفتيش سنطه
هاي نقطه ويمهاواحد
نقطتين. ثلاثة. خمسه
ست نقاط ويمهاواحد!!
تنحسب مليون نقطــه
وصاح مسؤول النقاط بصوت عالي
هاي ما معقوله جنطـه
بصيحته انزرعت الساحــــه
رجال أمن ورجال شرطه
بجرة السَحَاب شافت عينه نجمـه
وطكته ريحةالحنطــه
ما لكه غيرالعلم.. كلي شيـفيدك
كتله غربه
إحنه غربه
ومن نموت هناك… جا بيش نتغطه؟
أخذ للجنطه تحيه… وكلي توصل بالسلامه
وهاي أول مره أفوت بسيطره…
وما انطي رشوه وتستعد كدامي شرطه











تحياتي الكم المغترب


:(عمر المختار ابن الغزالية :(

[وردة بغداد]

http://www.hello-iraq.com/up/up/22496450320081025.gif

[عمر المختار]

مشكور وردة على تصفحك مواضيعي http://www.hello-iraq.com/up/up/22539268720081030.gif





http://www.hello-iraq.com/up/up/22505650420081026.jpg





لا أبكي على أي علاقة في الحياة لأن الذي تبكي من أجله لا يستحق دموعك والشخص الذي يستحق دموعك لن يدعك تبكي

[احب بقساوة]

تسلم وردة لك مروري

[أسير الغرام]

مشكور عاشت أيدك

[HaNoOdy-3RaQ]

عاشت الايادي مواضيع جميله
روعـــــــــــــــــــــــــــــــــــه
تقبلو مروري




تحياتي